【新鴻基地產香港十公里錦標賽 2022~2023】

呢個 10k 係天水圍公路上舉行，係我咁大個女除左小學陸運會外第一個參加既實體賽事，亦係我第一次無間斷完成既 10km running。今次比賽總共有 3000 名選手參賽，有幸自己係其中一員，我知道自己一定唔係頂尖選手，不過我跑贏左自己定下既目標，一次過跑完 10 km，要 PB 左😎跑到平均 6’58 既成績，所以總體黎講，我係非常滿意自己既成績既🙆‍♀️雖然有好大進步空間。

對於從未跑 10km + 未試過晨跑既我黎講(不論係課堂上 / 個人訓練)加上賽前冇咩時間作最後準備， 呢個成績我比自己 8 分🙆‍♀️可能係由於自己第一個實體賽，加上現場氣氛都好好，自己情緒又十分高漲既關係，整個賽事都完成得好順利，結果亦比預期中好。

7:45am 鳴槍，一開始已經不斷見到身後既跑手跑過自己，初時我都開得比平時快 6″28，係冇得唔快，因為實在係太多人推你跑前，不過好彩當人潮慢慢散去，我都慢慢搵得返自己個跑 form，不論係平路定係落斜都跑得比較舒服。

🏃🏼‍♀️【跑班訓練對我的幫助】🏃🏼‍♀️

參加左凝跑訓練班，不論係對我玩路跑，抑或山賽，甚至係個人健康，都裨益不少。

重記得係 2021 年，我係因為玩山賽(菜鳥既我)想挑戰自己而報名參加 HK100 the half，發現自己根本上氣唔接下氣，亦唔知原來玩比賽 / 事前訓練都要有策略。幸運地，透過舊同事，我認識到凝跑其中一位教練希 Sir，亦順理成章地加入左訓練班，識埋另一位教練謙教。經過左大半年既訓練，本身都進步左唔少，但不幸地係 2022 年我整親條 spin，足足休息左大半年，直至年中後期先重新 pick up 返。

由練時間開始，距離就之後再算啦😂2022 年既 7月，半個鐘我只能夠跑到 3km 多 dd, 平均係 9″28 pace，對我黎講呢個挫折感好大。不過教練同我講要慢慢黎，先練返好心肺，日子必有功。去到 10 月，31 分鐘內我已經跑到 4.67km，雖然進步得唔算快，不過兩位教練都好有耐性😊

11月先知我參加比賽成功左，但礙於私人原因，除左上堂訓練，我要到 12月先開始個人既密集式練習，但所謂既密集式都只係跑到兩日5km + 兩日比較長 dd 既 8km&9km。因為我未試過跑 10km，教練都叫我平常心面對賽事，係練習時如果太辛苦都唔一定要跑足 10km，只係叫我嘗試堅持一下，跑到 70 分鐘就停，比自己抖下，係比賽前加少少碳，最緊要既係比賽當日，一定要食早餐，至於點食原來都好有學問。

係比賽期間，我耳邊都不停出現兩位教練把聲，叫我記得抬腿、呼吸、keep 住個 form，所有既野我都有跟教練咁講去做，神奇地，最後我竟然可以係 70 分鐘完成 10km 賽事。😂 🙆 ☺🏃

【想同教練或其他同學分享的說話☺️】

唔試真係永遠唔會知道自己既可能性!我好多謝兩位教練既指導同鼓勵，令我可以係首次實體賽事有好表現!唔單止係我意外，教練們都好意外我既成績。

希教話:其實好多嘢都係累積!雖然你一個星期無跑，不過之前你都累積咗好多，今日再加埋比賽嘅氣氛，定你可以發揮得再好! 恭喜！

謙教話:5k 你絕對無問題，10k 除左靠訓練 就係你既堅持 意志 見 6 分係超水準

兩位教練所講既「累積」、「堅持」同埋「意志」真係好重要!冇左呢三樣野，我諗我都冇可能完成得咁順利🙆‍♀️多謝教練，多謝凝跑🙇🏼‍♀️

#新鴻基地產香港10公里錦標賽 #跑步 #跑步語錄 #跑步班 #長跑 #長跑訓練 #長跑訓練班 #凝跑 #仍然去跑 #stillrunning #hk #跑會 #香港跑會